Pag-renew sa prangkisa sa traysikol kutob na lang sa sunod buwan

CEBU, Philippines — Kutob lang sa sunod buwan ang pag-renew sa pangkisa sa mga traysikol sa Dakbayan sa Talisay hinungdan nga daghan na nga traysikol ang nihugop diha sa gawas nga bahin sa Talisay City Command Center.

Kini alang sa pag-inspection sa mga sakop sa City of Talisay-Traffic Operation Development and Authority (CT-TODA) sa mga traysikol nga i-renew ang prangkisa.

Susihon sa CT-TODA kong ang traysikol kompleto pa ba kini og suga, silbato, mga dokumento ug uban pa.

Samtang si Konsehal Eduardo “Digul” Gullas III, chairman sa committee on business nipahibawo nga ang pag-renew sa mga business permit kutob nalang karong Biyernes.

Matud ni Gullas nga anaa sa People’s Hall sa Talisay City Hall ang one-stop-shop sa pag-renew sa mga business permit.

Gituyo kini aron paspas ang transaksiyon sa matag negosyo.   BDB BANAT NEWS