P169.4 milyones gigahin sa proyekto alang sa mga mag-uuma

CEBU, Philippines — Mokabat sa 155 ka mga proyekto nga matagamtaman sa grupo sa mga mag-uuma sa Central Visayas ang gigahinan og pundo.

P169.4milyones ang gigahin nga pundo para sa proyekto sa mga mag-uuma sa Cebu, Negros Oriental, Siquijor ug Bohol.

Kini ang gipadayag sa pangulo sa Regional Agricultural Engineering Division-Department of Agriculture-7 Engr. Edna Yu.

Ang DA nitahas sa RAED sa pagpatuman sa mga proyekto sama sa pag-apod-apod og makinarya para sa pagpanguma, infra project sama sa irrigation, sumala pa ni Yu.

Gidasig ang mga beneficiaries nga ampingan ang mga gipaambit nga proyekto sa gobyerno aron molambo ang ilang panginabuhian, butang nga gihangop usab sa mga mag-uuma. (BANAT NEWS)