Lungsod sa Carmen mopatuman og truck ban
CEBU, Philippines — Ang Lungsod sa Carmen mopatuman og truck ban karong Enero 26, 2025 subay kini sa pagsaulog sa Sinulog sa Carmen 2025.
Si Gobernador Gwendolyn Garcia niluwat og kamandoan sa pagpatuman sa truck ban sa mga six wheelers pataas nga truck gikan sa alas 12:01 sa kadlawon sa Enero 26 hangtud sa 12:01 sa kadlawon sa Enero 27. 2025.
“In light of the anticipated traffic situation in the Municipality of Carmen due to the celebration of the Sinulog sa Carmen 2025, a truck ban is hereby imposed between the boundary of Danao-Carmen and boundary of Carmen-Catmon”, tipik sa giluwatang memorandum ni Garcia nga gi-post ni Carmen Mayor Carlo Villamor sa iyang social media page.
Ang Philippine National Police gimandoan sa gobernador nga istriktong ipatuman ang maong truck ban.
Ang LGU sa Carmen padayon sa pagpangandam niini alang sa ika-52 nga Sinulog sa lungsod sa Enero 26, 2025 diin nagkadiayang contingents nga giumol sa mga barangay ang gikatakdang mopasundayag.
Nipagawas usab og routa sa procession ug trapiko ang LGU alang sa paggiya sa mga deboto nga mosalmot sa kalihokan.
Ang rota sa parade magsugod sa St. Augustine Church padulong sa Washington Street (Coolers) lahos sa Climaco Street ngadto sa Cebu Academy national highway.
Ang mga saskyanan padulong sa amihanan mogamit sa katunga sa dalan sa national highway samtang ang mopadulong sa habagatan o Cebu City bound nga sakyanan mogamit sa alternatibong rota.
“J. Climaco Street vehicle will go right turn in Mckinley Street along Carmen National High School going to J. Climaco Street – Lopez Jaena St. (Cebu Academy) national highway”, matud sa LGU sa Carment. (BANAT NEWS)
- Latest
