Mga rota sa Traslacion sirad-an sugod alas 6:45 sa buntag
CEBU, Philippines — Gipahibalo sa Cebu City Transportation Office nga sirad-an ang pipila ka mga dalan alang sa Traslacion karong Biyernes, Enero 17, 2025. Sugdan kini sa alas 6:45 sa buntag.
Ang mga dalan nga pangsirad-an sa habig sa Dakbayan sa Sugbo mao ang Osmeña Boulevard, M.J. Cuenco Avenue, General Maxilom Avenue, Pope John Paul II Avenue.
Sa habig sa Dakbayan sa Mandaue, sirad-an ang mga dalan sa Lopez Jaena, Hernan Cortes, M.C. Briones, A. Del Rosario, ug S.B. Cabahug.
Magsugod ang Traslacion sa Basilica Minore del Santo Niño ug matapos kini sa National Shrine of Saint Joseph sa Dakbayan sa Mandaue.
Ang Traslacion usa kini ka tradisyonal nga prosesyon nga kabahin gyud sa kasaulugan sa Fiesta Señor kun diin ihatod ang imahe ni Senyor Santo Niño ug Birhen sa Guadalupe.
Giawhag ang mga motorista nga planuhon ang ilang mga lakaw anang adlawa aron dili matanggong sa mga pangsirad-an nga mga dalan.
Hinuon ablihan balik sa trapiko ang maong mga dalan ini og makalabang na ang convoy sa imahen. IBM BANAT NEWS
- Latest
