Talisay City dunay klase sa Enero 13— Gullas

CEBU, Philippines — Giklaro ni Talisay City Mayor Gerald Anthony “Samsam” Gullas nga adunay klase ang adlaw nga Lunes, Enero 13,2025 sa Dakbayan sa Talisay.

Kini human daghan siya og nadawat nga mensahe gikan sa Talisaynon nga nagpangutana kun aduna bay klase sanglit Charter Day man sa Talisay, apan kini saulogon sa Enero 12, karong adlawa, Domingo. Ang sunod nga adlaw nga mao ang Lunes diin usa lang kini nga ordinaryo nga adlaw.

Ang Talisay nipahigayon na sa ilang mga kalihukan sa Charter Day sama sa libreng kasal sa 247 ka paresan, libre nga concert ug uban pa.

Ang importante sa kasaulogan matud pa mao ang paghimumdom nga nahimong siyudad ang Talisay nga nakita na ang daghan nga kausaban ug kalamboan. (BANAT NEWS)