Apelar ni Cortes sa CA gibasura
CEBU, Philippines — Apelar ni dismissed Mandaue City Mayor Jonas Cortes ngadto sa Court of Appeals aron unta makakuha og temporary restraining order ug writ of preliminary injunction batok sa order sa Ombudsman nga nag-dismiss niya sa serbisyo inubanan sa penalty nga perpetual disqualification sa paghupot og katungdanan, gibasura sa CA 5th Division nipirma sa resolution.
“There is no clear showing that petitioner have sufficiently alleged a clear and unmistakable right, and that there is an extreme urgency and paramount necessity for a temporary restraining order and/or writ of preliminary injunction to be issued," tipik sa resolusyon nga gipirmahan ni Justices Ramon Cruz, Tita Marilyn Payoyo-Villordon, ug Emily San Gaspar-Gito.
Tumong ni Cortes nga ang CA mopagawas og kamanduan ngadto sa Office of the Ombudsman nga dili ipatuman ang ilahang order niadtong September 26, 2024.
Nakita sa Ombudsman nga guilty si Cortes sa grave misconduct, gi-dismissed kini sa serbisyo ug gipahamtangan og silot nga 'cancellation of eligibility, forfeiture of retirement benefits, and perpetual disqualification for re-employment in the government service.'
Ang kaso nag-ugat kini sa nagpadayong operasyon sa SUPREA Philippines Development Corporation, usa ka batching plant sa Barangay Labogon kini bisan paman sa kakuwang sa business permit, sanitary permit, ug environment clearance.
Gikutlo sa mga reklamante nga ang operasyon sa cement plant naghatag og risgo sa panlawas sa mga nagpuyo duol sa lugar apan si Cortes giingon nga nagdumili sa pag-issue og cease-and-desist order.
Ang kampo ni Cortes mipagawas og pamahayag bahin niini nga duna pa silay petisyon ngadto sa Labaw nga Hukmanan.
“We await the Supreme Court's decision on the petition and trust in its impartiality and wisdom to uphold the rule of law. As we move forward, we remain steadfast in our commitment to serving the people of Mandaue, hopeful that the process reflects the principles of justice and fairness.” IBM BANAT NEWS
- Latest
