Mananagat nga na-missing napalgang patay

CEBU, Philippines — Napalgang patay na ang usa ka mananagat nga nawagtang sukad pa niadtong Domingo, Enero 5,2024 nga gikatahong nanagat gamit ang pana sa kadagatan sa siyudad sa Lapu-Lapu.

Giila lang sa iyang alyas nga si Enad Fernandez ang maong mananagat, 34 anyos nga nagpuyo sa Isla sa  Olango.

Si Lapu-Lapu City Mayor Junard "Ahong" Chan nga nakadawat og mga taho labot sa pagkawagtang sa maong mananagat dali kining mimando sa mga sakop sa bantay Dagat sa dakbayan sa pagpangita sa maong mananagat.

Nitabang sa pagpangita ang mga sakop sa Martime Police, Philippine Coast Guard, kapolisan sa Lapu-Lapu City Police Office (LCPO) uban usab sa mga divers sa dakbayan.

Wala gayod makaplagi sa tibuok gabiing pagpangita apan alas 11 na sa buntag sa Lunes unang napalgan sa mga rescuers ang pana nga nagtaroy pa sa patay'ng lawas sa isda nga gipanag-iya sa nawagtang nga mananagat.

Ang grupo nga nagpahigayon og search and rescue operation misawom sa dagat ug didto napalgan ang patay'ng sa mananagat.

Giugkat sa mga sakop sa search and rescue team ang patay'ng lawas ug ilang gidala sa Marigondon Port diin nagpaabot ang pamilya niini. (BANAT NEWS)