Usa ka L300 Van nabanggaan og prime mover, duha naangol

CEBU, Philippines — Duha ka mga tawo ang naangol human nalimbuwad ang ilang gisakyan nga L300 van sa dihang nabanggaan kini sa prime mover nga padulong sa habagatan nga bahin sa Sugbo, kagahapon sa buntag Enero 5, 2025.

Ang driver sa prime mover mao si Marcelino Oro, taga Borbon Cebu. Samtang ang driver sa L300 van mao si Basilio Getutua, taga Mantalongon Dalaguete.

Matud pa ni Oro, ang maong L300 Van naay gisundan ug niliko kini hinungdan nga ang driver niini nga si Getutua ni apply ug full brake ug nalabay ang lubot niini sa Island ug didto nasabod sa iyang gimaneho nga prime mover nga maoy hinungdan sa pagkatumba.

Sumala pa ni Oro, ang iyang prime mover aduna usab gamay nga kadaut nga naangkon.

Ang driver sa L300 van ug pahinante niini ang nadala sa tambalanan human kini sila nakaangkon ug kadaut sa kalawasan.

Matud pa ni Jonathan Gador sa CCTO sa ilang pakighinabi sa driver sa L300 van giingong aduna kini gilikayan ug didto kini naigo sa prime mover.

Ang CCT0 nibutyag ang mga biktima dali ra gidala sa tambalanan hinuon naa na kini sa luwas nga kahimtang.

Gitug-an sa mga nitubag sa alarma sa maong dapit nga adunay nipatim-aw gilayon nga tag-iya sa maong van sa lugar ug niatiman ug nisusi gilayon sa kahimtang sa iyang mga tawo.

Ang maong L300 van aduna kini karga nga mga utanon ug uban pa. — /MEL (BANAT NEWS)