Cortes nagduda gyud sa mga desisyon sa Comelec
CEBU, Philippines — Ang Commission on Election nipagawas og Certificate of Finality sa kaso ni dismissed Mandaue City Mayor Jonas Cortes, nga nagbasura sa iyang giduso nga motion for reconsideration sa desisyon nga pagkanselar sa iyang Certificate of Candidacy.
“WHEREFORE, premises considered, the Commission (En Banc) RESOLVED, as it hereby RESOLVES, to DENY the Motion for Reconsideration. The Assailed Resolution is HEREBY AFFIRMED. SO ORDERED," hukom sa Comelec.
Ang Certificate of Finality ug Entry of Judgment gi-issue sa Comelec En Banc, nga gikutlo gikan sa 1993 Comelec Rules of Procedures sa Comelec.
Sulod sa Certificate of Finality, ang COMELEC nagsaysay nga subay sa mga legal principle, ang usa ka Commission (En Banc) resolution mahimong pinal ug executory human sa lima ka adlaw gikan sa pagdawat sa maong desisyon o resolusyon gawas kun gi-restrain kini sa Korte Suprema.
Tungod kay walay restraining order nga gipagawas ang Korte Suprema sulod niini nga panahon, kadtong resolusyon nga giluwatan niadtong Disyembre 27, 2024 gideklarar na nga final ug executory.
Tungod sa maong resolusyon, nagpagawas ang kampo ni Cortes og pamahayag nga pabilin siyang nisalig sa garantiya sa Konstitusyon nga aduna siyay katungod pagdagan og posisyon karon nga eleksyon ug pagbarog alang sa kabubut-on sa katawhan.
Matud pa sa kampo, nagtinguha si Cortes pagduso og Petition for Certiorari ngadto sa Korte Suprema, nangayo og injunction, status quo order, ug pag-nullify sa gihulagway niyang dili makatarunganong mga proseso sa pagkansela sa iyang COC nga gibuhat sa Comelec.
"Such timing raises serious questions about fairness and due process, as it appears to have been calculated to prevent any immediate recourse to higher judicial remedies," pahayag sa iyang kampo.
"Notably, the notice of the En Banc decision was issued during the last hour of the last working day of the year, effectively leaving no opportunity to act, as government offices remained closed for the next five days," dugang pa sa kampo.
Sa laing bahin, sa dihang gipangayoan sa The Freeman/Banat News og pamahayag ang Comelec-7 ang status sa kandidatura ni Cortes karon nga nidangop siya sa Korte Suprema.
Si Comelec-7 Regional Director Francisco Pobe miingon nga makonsiderar pa gihapong kandidato si Cortessa pagkakaron gawas lang kun ang SC mobasura sa petisyon ni Cortes. (BANAT NEWS)
- Latest
