DOH: Bag-ong epidemiya dili kumpirmado
CEBU, Philippines — Ang Department of Health (DOH) kagahapon nipadayag nga ang ilang kasaligan nga mga tinubdan kasamtangang wala nagsuporta sa nikatag nga mga post diha sa social media kabahin sa giingong international health concern.
Ang maong pagpadayag sa DOH nunot kini sa pipila ka mga post diha sa social media nga giingong adunay usa ka bag-ong epidemiya sa China sama sa nagkadaghang mga kaso sa human metapneumovirus infections, influenza A, ug Covid-19 nga maoy hinungdan sa pag-overload sa mga ospital ug crematories sa maong nasud.
"There is no confirmation from either the cited country or the World Health Organization (WHO)", matud sa DOH.
Pinaagi sa DOH, ang Pilipinas aktibong partisipante sa network sa mga estado nga miyembro sa WHO nga nagsunod sa International Health Regulations.
"This established system is what gives reliable updates about international health concerns", padayag sa DOH.
Nipasalig ang DOH sa publiko nga ang disease surveillance systems sa Pilipinas naglihok ug aktibo silang nag-verify sa tanang impormasyon ug magpadayon sa paghatag og mga update.
Subay niini, giawhag sa ahensiya ang tanan nga likayan ang pag-share sa mga kwestiyonableng website o online sources.
"Let us not spread misinformation and confusion" dugang niini. BDB BANAT NEWS
- Latest
