Operasyon batok sa magsuon nga napatay sa Talisay lehitimo

CEBU, Philippines — Gibarogan sa kapolisan sa dakbayan sa Talisay nga lehitimo ang ilang operasyon batok sa gitahu nga armadong mga lalake nga ilang girespondihan.

Hinuon gitahud sa kapolisan ang alegasyon sa inahan sa duha ka magsuon nga namatay human nakig pinusilay sa kapolisan.

Una niini ang inahan nila ni alyas Jay-r ug alyas Ike nibutyag nga gi pick up lang ang iyang mga anak ug iya na lang nahibaw-an nga patay na kini.

Si Police Lt. Col. Epream Paguyod, hepe sa kapolisan nitataw nga pinaagi sa pamahayag sa inahan mahimo siya nga mopasaka og kaso ug andam ra nila kini nga hangpon.

Sa imbistigasyon sa kapolisan nasuta nga adunay nitawag kanila labot sa armadong mga lalaki didto sa Barangay Campo 4, bukirang bahin sa Talisay.

Pag-abot sa mga polis gipaarakan sila sa duha hinungdan nga nahitabo ang pinusilay.

Hinuon ang inahan niangkon nga bisyoso ang iyang mga anak ug wala mihimakak nga aduna kini kaso nga pagpatay.

Nagkanayon si Paguyod nga daghan na og gipusil ang mga napatay sa iyang mga sakop

Ilabi na sa Mananga sa Tabunok ug Lawaan nga area.

Gipaubos sa kapolisan og ballistic ang mga armas sa duha nga narekuber ug gipa autopsy ang patay nga lawas ug gipaubos usab sa paraffin test aron masuta kung nakapabuto ba gyud ang magsuon. (BANAT NEWS)