Senior ug iyang iro na-hit and run

CEBU, Philippines — Padayon nga giila sa Traffic Enforcement Unit sa Cebu City Police Office kun kinsa ang usa ka edaran nga babaye nga namatay apil ang iro niini human silang duha gituohang na hit and run diha sa Cebu South Coastal Road taliwala sa duha ka dagkong establisamento diha sa South Road Properties (SRP) kagahapon sa kaadlawon.

Una niini, ang TEU CCPO nakadawat og tawag mahitungod sa patay'ng lawas sa tawo nga nakit-an sa lugar ug gituohang na hit and run.

Ang biktima gibana-banang naa sa 50 anyos, 4'4" ang height, mubo og buhok, nagsul-ob og tattered nga sinina.

Pag-abot sa kapulisan sa lugar nakita ang biktima nga nag-ubo ug ang iro niini nga patay na sab naa sa unahan.

Nanawagan ang Traffic Enforcement Unit sa Cebu City Police Office sa mga tagtungod aning usa ka babaye nga nakalas human gituohang biktima sa hit and run sa may South Road Properties sa pag-adto sa St. Francis Funeral Homes sa may Natalio Bacalso Avenue.

Ni-request na sab ang TEU CCPO og CCTV footages sa mga establisamento duol sa nahitaboan aron masuta kun unsa gyud ang nahitabo.

Samtang patay ang usa ka 23-anyos nga lalake samtang upat angol sa nahitabong sa karambola sa sakyanan ug motorsiklo diha sa National Highway, Barangay Fortaliza, Lungsod sa Tuburan sa miaging adlaw.

Ang nakalas mao si Dennis Fernandez Calaunan, 23 anyos, residente sa Barangay Marmol, Lungsod sa Tuburan.

Samtang angol sila si Kim Andales Quisa-ot, 36 anyos, taga Barangay Anunang, Bogo City; Ronie Pritos Densing, 38 anyos, taga Barangay Agtugop, Lungsod sa Asturias ug si  John Mark Cabanes Carmelotes, 20 anyos, molopyo sa Barangay Agtugop ug usa ka 17-anyos nga lalake.

Si Calaunan maoy nag drive sa itom nga motor  ug angkas niya ang 17-anyos nga lalakeng naangol.

Ang Bongo Mazda Pick-up color Blue gimaneho sab ni Quisa-ot samtang si Densing nag drive sab og itom sab nga motor ug angkas niya si Carmelotes.

Sa impormasyon sa Tuburan Police Station ang Bongo nagdagan paingon sa south gasunod kaniya ang namatay.

Pag-abot sa nahitaboan giingong ni-overtake sa Bongo ang namatay ug nilapas kini sa pikas lane hinungdan nga nibangga kini sa kasugat nga motor nga gimaneho ni Densing.

Nalabay ang si Calaunan ug ang angkas niini sa sementado nga dapit ug

nalatayan kini sa ligid sa Bongo samtang naguroy ang 17-anyos niya nga angkas.

Gidala sa ospital si Calaunan apan gideklarar kining dead-on-arrival samtang giatiman ang ubang nangaangol.  IBM BANAT NEWS