Honorarium nasugdan na og hatag

CEBU, Philippines — Nahimong hayag ang pagsaulog sa Pasko sa 132  ka mga kawani sa Barangay Umapad, Siyudad sa Mandaue human nga nadawat na gyod nila ang upat ka bulan nilang honorarium nga nagsugod sa Septiyembre hangtod sa Disyimbre 2024.

Hinuon ang maong mga kawani sa barangay ang aduna pay kobrahunon nga honorarium nga walo ka bulan nga nagsugod sa Enero 2024 hangtod sa Oktobre 2024 tungod kay giaprubahan sa konseho sa barangay ang ilang appointment bulan na sa Septiyembre 2024.

Unang gibasol ni Kapitan Reb Cortes si Barangay Konsehal  Libertine Lumapas nga maoy chairperson sa committee on appropriation ang kalangan  sa pagpagawas sa honorarium sa ilang mga kawani tungod kay nagdumili man kini sa pagpirma sa ilang payroll, apan si Lumapas kusganon nga mihimakak niini.

Matud pa ni Lumapas nga nagsubay lamang sila sa lagda base usab sa gitambag ngadto kania sa Commission on Audit dihang ilang gikonsulta.

Gisumbalik ni Lumapas ang pagbasol ngadto kang Cortes nga wala mosubay sa hustong pag-hire og mga kawani sama sa barangay tanod, clean and green,, job order ug uban pa.  IBM BANAT NEWS