Pito nadakpan sa managlahing drug busts

CEBU, Philippines — Pito ka mga ilegalista ang nadakpan sa kapulisan sa siyudad sa Sugbo sa ilang buy-bust operation sa mga managlahi nga mga barangay sa siyudad sa Sugbo.

Ang Abellana Police Station 2 nakadakop og 38-anyos nga single mom dihang nagpahigayon sila og anti-illegal drug operation sa Purok 3 Lower, Barangay Kamputhaw, siyudad sa Sugbo.

Ang nadakpan mao si Shirley Alabanza Ruiz, 38, nagpuyo sa naasoy nga dapit ug nakit-an nga naghupot og illegal nga drugas.  Nakuhaan ang suspetsado og 1 gram nga nibalor og P6,800.

Matod napugos og sulod ang suspek sa maong illegal nga binuhatan aron dunay ikabuhi sa unom ka mga anak niini.

Dayon ang Carbon Police Station 5 nagpahigayon og buy-bust operation sa Sitio Fatima, Barangay Pahina Central, Sitio Bato ug Sitio Pig Vendor sa Barangay Ermita.

Ang unang operasyon gihimo sa Sitio Fatima, Barangay Pahina Central diin nadakpan si Ken Caballero Alforque alyas Ken, 29, nagpuyo sa 19 Balagtas, Barangay Pahina Central ug si Jay-r Abella Flores, 41 anyos, taga Sitio Tambis, Banawa, Barangay  Guadalupe.  Nakuhaan ang mga suspetsado og 8 grams nga shabu nga nagkantidad og P54,400.

Sunod nga nadakpan mao sila si Jumar Barbecho Jumao-as alyas Butchoy ug Ronel Lamoste Si Jumao-as, 36 anyos, nagpuyo sa Sitio Fatima, Siyudad sa Naga ug si Lamoste, 23 anyos, nagpuyo sa Sitio Palanas, Barangay Inayagan, City of Naga, nadakpan sila sa buy-bust operation sa Sitio Bato, Barangay Ermita.

Nakompiskar sa kapulisan ang 5 gramos nga shabu nga nibalor og P34,000.

Samtang sa operasyon diha sa Sitio Pig Vendor miresulta sa pagkasikop ni Roberto Parpan Sancho alyas Pare. Si Sancho, 49, residente sa  South Gate, Borromeo Street, Barangay Bulacao, dakbayan sa Talisay.  Nakuhaan ang suspect og 8 gramos nga shabu nga nibalor og P54,400.

Ang kapulisan sab sa Guadalupe Police Station 9 nagpahigayon sab intensified police operation nga miresulta sa pagkasikop sa uss ka 41-anyos nga nurse nga taga Barangay Canduman, Mandaue City.

Nakuhaan kini og 5 gramos nga drugas nga nagkantidad og P34,000.  Ang mga dinakpan mag atubang og kasong paghupot ug pagpamaligya og illegal nga drugas.   IBM BANAT NEWS