Public transport stops tukoron diha sa siyudad sa Lapu-Lapu

CEBU, Philippines — Gitinguha nga tukoron diha sa dakbayan sa Lapu-Lapu ang mga Public Transport Stops nga ipahimutang sa mga dapit nga tapokan sa daghang pasahero.

Si Konsehal Marciano Alfoeque, chairman sa committee on transportation sa konseho sa maong dakbayan ang miduso sa gisugyot niini nga mga dapit diin daghang pasahero ang mag-atang og mga pampubliko nga sakyanan.

Naglakip sa mga lugar nga gipili aron butangan og transport stops mao ang nahimutang diha sa barangay Mactan, Ibo, Pusok, Babag ug Poblacion.

Dugang specific location sa Public Transport Stop nga pagahimoon mao ang Babag 1 Elementary School, Central Elementary School ug Mactan Barangay Hall.

Laing PT Stops ibutang diha haduol sa pribadong bangko ug Mandaue City-bound stops sa Pusok duol sa shopping ug retail center sa Barangay Basak.

Gipasabot ni Alforque nga ang maong proyekto dako kaayo og ikatabang aron maluag ang dagan sa trapiko ug kabahin usab kini sa modernizatiion program sa kagamhanan. (BANAT NEWS)