Mandaue ug SEC nag-alayon sa financial literacy project

CEBU, Philippines — Nag-alayon karon ang kagamhanan sa Siyudad sa Mandaue ug Security Exchange Commission (SEC) sa proyekto nga financial literacy ug paglikay sa mga Mandauehanon nga mabiktima sa mga scammer.

Nunot sa mao nilang panag-alayon ilang gipirmahan ang memorandum of agreement nga “SEC Communication, Advocacy and Network (SEC-CAN!)." project nga ugmaron.

 Ubos sa maong MOA nga ilang gipirmahan maoy ilang gitinguha sa kagamhanan sa siyudad ug SEC nga katudloan ang mga Mandauehanon sa pagdumala sa paggasto sa ilang kwarta nga dili mausik ang ilang mga kahago sa paggasto sa ilang kwarta sa dili mahinungdaanon nga galastohan.

Ang Dakbayan sa Mandaue nagtinguha sa paghatag og kahibalo mahitungod sa financial literacy sa katawhan aron kalikayan usab ang mga investment scam ug uban pa. Ang proyekto nga “SEC Communication, Advocacy and Network (SEC-CAN!) naglantaw sa pagpanalipod  sa mga konsumidor.

Si Mayor Glenn Bercede nagpadayag og kalipay sa pakig-alayon sa SEC ug gipili ang Mandaue City isip recipient sa maong proyekto.

Sila si Mayor Bercede ug SEC Director Sheara Lupango-Tamayo ug mga saksi niini  ang nipirma sa MOA nga giumol ubos sa maong proyekto nga pagahimuon sa siyudad. (BANAT NEWS)