Mayor Garcia nakasabot sa gibati sa anak ni Rama

CEBU, Philippines —  “I understand where Atty. Mikel Rama is coming from. Nasakitan siya sa nahitabo sa iyang amahan. I can feel for him but he should not take it against me. I am only an innocent bystander and I just obeying the law,” mao kini ang pamahayag ni Cebu City Mayor Raymond Alvin Garcia kabahin sa mga patong-patong nga kaso nga gipasaka sa anak ni kanhi Cebu City Mayor Michael Rama.

Si Mikel midangop sa Ombudsman Visayas ug mipasaka og kasong grave misconduct, dishonesty, refusal to discharge elective office ug abandonment of office o position batok kang Garcia niadtong miaging semana.

Nakasabot si Garcia kun nganong nipasaka og kaso si Mikel batok kaniya. Matud pa niya nga nasinati sab niya kini niadtong mayor pa sab ang iyang amahan nga si kanhi mayor Alvin Garcia nga dili sab maihap nga kaso ang gipasaka sa mga kaatbang niini sa politika.

Apan alang kang Garcia, dili niya sala kung nganong gipaubos og unom ka buwan ng suspenso si Rama.

“I hope also that he will put into mind and heart nga kaning gipang-experience sa iyang pamilya labi na sa iyang amahan, dili tawn ni tungod nako oy,” suma pa ni Garcia atol sa press conference.

Matud pa ni Garcia nga tanang nasinati ni Rama tungod ra sab ni sa kaugalingong binuhatan ni Rama.

“I did not cause the complaint. I did not file the complaint. In fact, all of the things that’s happening to the former mayor is not my doing. It’s the doing of the former mayor,” si Garcia miingon.

Gipanglantawan na sab ni Garcia nga aduna pay umaabot nga kaso nga ipasaka batok kaniha tungod kay panahon na sab sa eleksyon. Alang kaniya, tingali og mokunhod na kini inig human sa Mayo 12, 2025 nga piniliay.

“This is political season, this is one of the ways for candidates to promote themselves and also put others in bad light. That is expected. When we get the complaint, we will answer it in a proper forum,” suma pa ni Garcia.

Bisan og patong-patong nga kaso ang gipasaka sa pikas kampo ngadto kang Garcia., wala pa siya makadawat niini hangtud karon. Dako sab ang iyang pagtoo nga ma-dismiss ra sab ang mga kaso gumikan kay wala kini kapasikaran.