Taga bangko gitudloan bahin sa bomb threats ug tulis
CEBU, Philippines — Nagpahigayon ang kapulisan sa City Mobile Force Company Mandaue City Police Offices og lecture sa mga personnel sa Development Bank of the Philippines (DBP) sa dakbayan sa Mandaue labot unsay angayang buhaton kun dunay tulis ug bomb threat niadtong miaging adlaw.
Ang lecture gipangulohan ni Police Lieutenant Colonel Mark Gifter Sucalit, Force Commander sa CMFC-MCPO. Gasugod kini sa alas 4:30 sa hapon ug nahuman hantod sa alas 7 sa gabie sa DBP’ Brigade Town Square Branch sa Barangay Alang-Alang.
Ang kalihukan gitambungan sa mga staff DBP ingon sa mga key CMFC officer apil na si Police Execive Master Sergeant Isagani Cabanlit, 1st Sergeant sa SWAT ug Police Staff Sergeant Rengie Tolentino. Gawas niini, naa sab ang Explosive Ordnance Disposal (EOD) techncian.
“The lecture aimed to enhance preparedness and awareness among bank personnel, equipping them with practical knowledge to detect and respond to potential robbery and bomb threat scenarios,” tipik sa post sa CMFC-MCPO.
Dunay gipresentar nga audio-visual demonstration si Lt. Col. Sucalit nga nagpakita sa mga modus sa mga kriminal ug nihimo sab kini og briefing sa pag-identify sa mga kadudahang tawo, butang o sakyanan. —/IBM (BANAT NEWS)
- Latest
