Amnestiya sa buhis ipatuman sa talisay

CEBU, Philippines — Nihatag og amnestiya sa buhis si Talisay City mayor Gerald Anthony “Samsam” Gullas ngadto sa mga Talisaynon.

Kini aron kahatagan og higayon nga mabayran ang buhis ug masulod kini sa panudlanan sa siyudad aron ihapak ngadto sa mga proyekto ug serbisyo sa katawhan.

Si Gullas nipirma sa Executive Order sa pagpatuman sa Real Property Tax Amnesty Program ubos sa Republic Act No. 12001.

Sugod sa Hulyo 5 ning tuiga ang kwalipikado nga real property owners nga adunay tulobagon sa buhis adunay chansa nga maka bayad sa ilang obligasyon nga wala nay bayranan sa penatly, surcharges ug interests.

Matud pa ni Gullas nga mao kini ang higayon nga ila na nga mabayran ang ilang buhis aron sa pagtabang sa pagpalambo sa Dakbayan.

Lakip sa dili na bayran mao ang penalties, surcharges ug interests sa wala mabayri nga real property taxes, apil na dinhi ang Special Education Fund taxes, idle land taxes, ug uban pa nga special levies nga nahitabo sa wala pa ang Hunyo 13, 2024.

Mahimo kini nga bayran pinaagi sa installment sud sa duha ka tuig hangtud sa Hulyo 5 tuig 2026.

Human sa Hulyo 5 tuig 2026 diha na mopatuman sa estriktong koleksyon ang Dakbayan aron mapadayon ang paglambo sa siyudad. (BANAT NEWS)