Senior nga biktima sa sunog nakadawat og ayuda

CEBU, Philippines — Gitunolan og ayuda ang senior citizen nga biktima sa sunog sa kagamhanan sa Lungsod sa Minglanilla diha sa Purok Peace Lily, Barangay Pakigne niadtong Miyerkules sa hapon.

Si Mayor Rajiv Enad dali nga nipadala sa Municipal Social Welfare and Development (MSWD), Minglanilla Traffic Commission (MITCOM) ug Municipal Disaster Risk Reduction and Management Office (MDRRMO) aron ihatag ang dinalian nga tabang sama sa bugas, canned goods, hygiene ug dental kits.

Ang maong hinabang nadawat ni Gidawat ni Mercy Abadingo, 63-anyos.

Ang karaan ug kahoy nga balay ni Abadingo naugdaw  kini.

Si FO1 Benjoseph Blen, imbestigador sa Minglanilla Fire Station nibutyag nga nadawat nila ang alarma sa sunog alas 12:32 sa hapon ug pagka-alas 12:43  gideklara kininga fire out .

Gibana-bana nga niabot sa P24 mil ang danyos sa maong sunog ug padayon pa ang kabomberohan sa ilang imbestigasyon pagsut sa hinungdan niini.

Samtang sa Dakbayan sa Talisay, tulo ka panimay ang nasunog diha sa Sitio San Antonio, Barangay Linao.

Nadawat sa kabomberohan ang alarma alas 2:22 sa hapon ug giisa sa first alarm pagka- alas 2:25 sa hapon.

Nakontrolar ang kayo sa sunog alas 2:45 sa hapon ug na-fire out kini alas 2:55 sa hapon.

Nikabat ngadto sa P150 mil ang danyos sa maong sunog

Gihatagan usab ang mga biktima og mga dinaliang tabang gikan sa kagamhanan sa Dakbayan. (BANAT NEWS)