VP Duterte mipasabot sa iyang death threat

CEBU, Philippines — Giklaro ni Bise Presidente Sara Duterte nga dili hulga ang iyang giluwatang pamahayag nga duna na siyay kasabot nga tawong mopatay nilang Presidente Ferdinand Marcos Jr., First Lady Liza Araneta-Marcos ug House Speaker Martin Romualdez kun pananglitan siya ipapatay.

Giluwatan kini ni Duterte atol sa usa ka press conference via Zoom niadtong Sabado, Nobiyembre 23. Sumala pa sa bise presidente kaparehas lang kining iyang hulgang pagpapatay sa tulo sa iyaha sab pamahayag kaniadto nga ipahabwa niya ang lawas sa kanhi diktador nga si Ferdinand Marcos Sr. ug itambog kini ngadto sa West Philippine Sea.

“I don't think the volume was low during the Zoom press conference. I said, 'If I die.' That means in the first place, there was a threat against me. But they simply do not care that I am also concerned about my security because I hear things," matud pang Duterte.

“Talking about doing it is not actionable,” matud niya.

Giluwatan ni Duterte ang maong "assassination threat"  atol sa virtual press conference sayo sa buntag niadtong Nobiyembre 23, samtang iyang gisaway ang desisyon sa House of Representatives nga ipabalhin ang iyang chief of staff nga si Atty. Zuleika Lopez gikan sa House detention facility ngadto sa Correctional Institution for Women sa Mandaluyong City.

Ang Presidential Communications Office nagkanayon nga gikonsiderar karon sa Executive Secretary nga usa ka “active threat” ang pamahayag ni Duterte ug gimando nga pa-aksyonan kini sa Presidential Security Command.

“Any threat to the life of the President and the First Family, regardless of its origin—and especially one made so brazenly in public—is treated with the utmost seriousness. We consider this a matter of national security and shall take all necessary measures to ensure the President's safety,” matud pa sa giluwatan sab nga pamahayag Presidential Security Command.

Samtang kagahapon, adlaw nga Domingo, Nobiyembre 24, si National Security Adviser Eduardo Año miingon nga “any and all threats” sa seguridad sa presidente gikonsiderar kini nga “threats to national security.”

“We shall be closely coordinating with law enforcement and intelligence agencies to investigate the nature of the threat, the possible perpetrators, and their motives. We shall do our utmost in defense of our democratic institutions and processes which the President represents,” matud pa sa pamahayag ni Año.

 Si House Majority Leader ug La Union 1st District Rep. Paolo Ortega V  miingon nga “reckless and dangerous” ang gipanulti ni Duterte.

“This kind of statement is not normal for an official of the government. We should ask, ‘Is the Vice President still in (her) right mind?’ These words are dangerous, reckless and deeply concerning,” matud ni Ortega kinsa miisip niini nga nasobrahan na ang bise presidente.

Samtang ang magbabalaod sa Mindanao nga si House Assistant Majority Leader ug Lanao del Sur Rep. Zia Alonto Adiong nakasaway sab kang Duterte nga miisip niini nga “reckless and destabilizing” nga pamahayag kay kini nag-promote og bayolenteng kultura. Matud niya ang proteksyon sa mga tag-as nga lider sa nasud dili lang para nila kondili para sa seguridad, kalig-on ug integridad sab sa gobiyerno ug sa nasud.