PTCFOR gisuspenso tungod sa ASEAN Chief Justices meet
CEBU, Philippines — Gisuspenso sugod niadtong alas-12 sa tungang gabii sa Nobiyembrre 15, 2024 hangtud Nobiyembre 21, 2024 ang Permit to Carry Firearms Outside Residence (PTCFOR) sa tanang nanag-iya og mga lisensiyadong armas.
Kini kabahin sa gipahugtang seguridad sa Sugbu tungod sa gipahigayong 11th Meeting sa Council of ASEAN Chief Justices dinhi sa Sugbo nga nagsugod kagahapon Nobyembre 18 ug matapos sa petsa 21.
Bugtong ang mga miyembro lang sa Philippine National Police, Armed Forces of the Philippines ug ubang law enforcement agencies nga naghimo sa ilang trabaho ug naka-uniporme ang tugutan nga makadala og armas.
Tumong niini nga masiguro ang hapsay ug luwas nga pagpahigayon sa kalihukan ug malikayan ang bisan unsa nga firearm-related incidents.
Una niini, niabot sa 781 ka PNP personnel uban ang 821 ka pwersa sa Bureau of Fire Protection, Philippine Coast Guard, Regional Maritime Unit, City Disaster Risk Reduction and Management Office (CDRRMO), City Traffic Management System (CTMS) sa Lapu-Lapu City, ug Task Force Kasaligan ang mobantay sa seguridad sa kalihukan. (BANAT NEWS)
- Latest
