CCPO andam motubag sa mga kiha ni Collin
CEBU, Philippines — Andam tubagon sa Cebu City Police Office (CCPO) ang patong-patong nga kaso nga ipasaka matud pa ni Atty. Collin Rosell ngadto nila sunod semana.
Kahinumduman nga si Atty. Rosell, kanhi City Administrator sa Cebu City Hall gidakop sa miaging semana gumikan sa pag insister niini nga mobalik sa katungdanan kini bisan og wala'y pagtugot gikan sa DILG ug Ombudsman.
Gipasakaan man siya sa kapulisan og kasong usurpation of authority ug resisting arrest. Nagplano matud pa ang abogado nga mopasaka og mga kaso batok kang CCPO Director Police Colonel Antonietto Cañete kinsa maoy nangunay sa pagposas niya.
Sigon ni Police Lieutenant Colonel Maria Theresa Macatangay, Deputy City Director for Operations ug tigpamaba sa CCPO ug usa sab ka manlalaban, wala na sila ma surpresa sa pamahayag ni Collin ug katungod sab niya nga mokiha.
"We are not surprised by his statement and more so, if iyahang tinud-on ang iyang statement because if he believes nga naa siyay katungod nga na violate it is his rights to protect it," sigon ni Macatangay.
Nagkanayon si Macatangay nga duna sila'y lig-on nga ebidensiya nga magmatuod sa korte nga dunay nalapas nga balaod si Rosell sama sa pagpatawag og meeting sa mga department heads ug pagpirma og dokumento.
Dugang ni Macatangay nga sila sa CCPO motuman sa mando gikan sa legal nga otoridad ug kun dunay mando gikan sa DILG ug Ombudsman nga mahimong mobalik sa katungdanan ang dismissed mayor nga si Michael Rama andam sila motuman niini. IBM BANAT NEWS
- Latest
