Talisay City nangayo og P1.8 bilyong budget para sa 2025
CEBU, Philippines — Moabot sa P1.8 billion pesos ang budget sa Dakbayan sa Talisay sunod tuig nga mas taas og P200 milyones kun itandi karong tuiga nga gigamit.
Si Edgar Mabunay, budget officer sa siyudad nitataw nga ilang gipasakaan ang proposed budget base sa ilang gipanglantawan nga kitaon sa dakbayan uban sa gihatag nga National Tax Allotment.
Matud pa ni Mabunay nga dakong gigahinan sa pundo sunod tuig mao ang social services.
Ang P100 milion pesos niini adto sa financial nga ayuda sa mga senior citizen ug alang sa Person With Disabilities (PWD) ug mga livelihood program.
Mosunod nga dako nga gastohan sa pundo mao ang paghatag og assistance alang sa panglawas sa Talisaynon.
Gikatakda sunod semana nga himuon ang ikatulong pagbasa ug final reading sa 2025 proposed 2025 annual budget. IBM BANAT NEWS
- Latest
