Motor gitripingan, gimartilyo
CEBU, Philippines — Gidakop ang usa ka 32 anyos nga lalake nga giingong nakagamit og illegal nga drugas human niini gi-martilyo ang motorsiklo sa usa ka rider sa 1310 East Capitol Hills, Barangay Capitol Site, siyudad sa Sugbo niadtong Miyerkules sa hapon.
Ang gidakop mao alyas Elbern, 32 anyos, nagpuyo sa Clavano Street, Barangay Capitol Site ug ang reklamante mao si alyas Arben, 45 anyos, minyo ug usa ka Move It rider nagpuyo sa Barangay Capitol Site.
Sa impormasyon sa Abellana Police Station 2 Cebu City Police Office(CCPO) gidala sa reklamante ang suspek sa police station inabagan sa kapulisan kay gi-martilyo matud pa sa suspek iyahang motorsiklo.
Niabot sa P25,000 ang danyos sa pag-martilyo sa suspect sa motor.
Sigon ni Police Captain Mark Eric Papong, hepe sa Abellana Police Station 2 nga base sa gibutyag sa tag-iya sa motorsiklo wala'y igong rason nga gi-martilyo sa suspek ang iyahang motor.
Nasayran sab sa kapulisan nga ang suspek katulo na gipasulod og rehabilitation center gumikan kay naggumon sa illegal nga drugas.
"During ani na incident daw naay tama ‘tong suspect kay dili gani maestorya og tarong," sigon ni Papong.
Kasong malicious mischief ang ipasaka batok sa suspetsado. IBM BANAT NEWS
- Latest
