Siyam nalambigit sa ilegal nga swertres sikop
CEBU, Philippines — Nasikop ang siyam ka indibidwal nga nagduwa og ilegal nga swertres nga taga Lungsod sa Compostela sa mga sakop sa Provincial Intelligence Unit (PIU) sa Cebu Police Provincial Office niadtong niaging adlaw.
Kini human ilang namatikdan nga nagkadaghan ang nagpadagan og ilegal nga sugal sa dapit.
Ang operatiba pinangulohan ni Police Lieutenant Colonel Antonio Ananayo, Jr. nihimo sa operasyon sa nagkalain-laing lugar sa Lungsod sa Compostela.
Unang operasyon sa kapolisan nahitabo mga alas 5:10 sa hapon sa niaging adlaw kinsa nasikop si Dioscoro Amor, Jr., 58-anyos didto sa Barangay Mulao.
Mga alas 5:30 sa hapon sa samang adlaw nasikop usab si Jonfel Ramos, 52-anyos didto sa Barangay Bagalnga dayon si Mayjelou Rosal, 34-anyos didto sa Barangay Mulao.
Ug sunod-sunod usab nga nadakpan sila si Merape Galabin, 41-anyos ug Elenita Avila, 62-anyos parehong sa Barangay Mulao; Fe Roble, 54-anyos sa Barangay Basak; Nora Almerez, 45-anyos, Farrah Mae Getalada, 43-anyos, ug Samuel Peñas, 55-anyos, parehong sa Barangay Bagalnga sa maong lungsod.
Ang mga suspetsado gikatakdang pasakaan kini og tukmang kaso sa nahimo nilang kalapasan. BDB BANAT NEWS
- Latest
