Garcia nitambong sa APIC Summit ngadto sa Hong Kong

CEBU, Philippines — Si Gobernador Gwendolyn Garcia nibiyahe ngadto sa aron pagtambong sa Asia Pacific Investors Cooperation (APIC) Summit.       

Ang maong kalihokan tambongan sa mga business leader, magbabalaod, ug opisyale sa gobiyerno sa rehiyon sa Asya aron mo explore og oportunidad sa investment o puhonan sa mga negosyo ug mapahingosog ang mga partnership.

Nasayran nga si Garica maoy usa sa keynote speaker sa maong summit diin iyang makauban ang mga lider sa ubang nasud.

Base sa taho sa Capitol Information Office oportunidad usab kini aron mapaambit sa Probinsiya sa Sugbo ang panan-aw sa kalamboan ug rehiyonal nga kolaborasyon.

Si Garcia maoy nangulo sa 17 ka Sugboanong delegasyon alang sa maong summit diin apil sa mga nikuyog sila si Bokal Glenn Anthony Soco, Victoria Corominas-Toribio, Kerrie Keane Shimura ug ang anak sa gobernador nga si Carissa Garcia.

Ang maong summit usa ka tinuig ng kalihokan sa mga sakop sa rehiyon sa Asya diin hisgotan ang nagakdaiyang estratehiya ug kalambaon sa ekonomiya sa matag lugar o probinsiya. (BANAT NEWS)