VECO molusad og dugang feature sa MobileAP

CEBU, Philippines — Ang Visayan Electric Company, Inc. (VECO) molusad sa dugang mga feature sa ilang MobileAP sa sunod tuig, Enero 2025 cc matud ni VECO President ug COO Raul Lucero.

Nagkanayon si Lucero nga subay sa mga bag-ong fe ature nga ipaila ilang tumong mao ang paghatag og sayon ug user-friendly nga plataporma nga naghatag og gahum sa mga konsumidor nga maghimo og mga desisyon mahitungod sa ilang energy consumption ug pakighinabi kanila.

Matud ni Lucero nga ang umaabot nga mga bag-ong feature sa app naglakip sa pagtugot sa mga kustomer nga direktang maka-apply og koneksiyon sa kuryente pinaagi sa app.

Karon, ang mga electrician maoy nag-atiman sa proseso alang sa mga bag-ong kostumer gamit ang app.

 Apan sugod sa sunod tuig tudloan na sa VECO ang mga kustomer sa paggamit niini aron sila na mismo ang makakompleto sa aplikasyon ug magtugot sa ilang electrician nga magpadayon sa mga kinahanglanon nga teknikal.

Ang ikaduhang feature mao ang pag-book og appointment online diin ang mga kustomer mahimong makapili og mga paagi sama sa usa ka personal nga pagbisita, pagbisita sa lokasyon sa VECO, o ubos sa virtual meeting.

Ang ubang features mao ang pag-report og power outage o ubang insidente pag-submit og mga inquiry, ug uban pa.

Subay niini, ang maong MobileAP sa VECO matud ni Lucero usa ka gamhanan nga aplikasyon nga nagtugot sa mga konsumidor sa pag-monitor sa ilang konsumo sa kuryente, pagsubay sa ilang bayronon kada bulan ug pagbayad bisan kanos-a ug bisan asa pinaagi sa ilang mga cellphone.

Ang kasamtangang features naghatag sa mga konsumidor og mga pahibalo sa bag-ong mga bayronon sa tukmang panahon, pagpaambit sa access sa bayronon sa mga miyembro sa pamilya ug mga tenants, ug pag-monitor sa mga power interruptions nga mahimong makaapekto sa ilang mga kabtangan.

Gitugotan usab sa app ang mga konsumidor nga magparehistro ug magdumala sa daghang accounts ubos sa Visayan Electric Company (VECO), Davao Light Power Corp. (DLPC), Cotabato Light Power Corp. (CLPC), Subic Enerzone, Lima Enerzone, ug uban pa.

Ang maong MobileAP mahimong ma-download sa App Store ug Google Play ug sa pag-register mahimo nilang bisitahon ang website ug FB page sa VECO alang sa dugang detalye.  BDB BANAT NEWS