Bawionong luna sa Cebu City haom tukoran og mga balay — Garcia
CEBU, Philippines — Si Cebu City Mayor Raymond Alvin Garcia nagkanayon nga mas haom nga tukoran og mga balay ang bawionon nga luna nga gidonar sa panahon ni kanhi mayor Eulogio Borres ngadto sa Evangelical Christian Coalition of Cebu Inc.
Ang maong luna nahimutang kini sa Barangay Kalunasan diin aduna kini gidak-on nga 4.2 ka ektarya diin alang kang Garcia dili ra layo ang maong barangay sa sentro sa siyudad.
Matud ni Garcia nga human nga nagpahigayon ang Task Force Pabahay og inspeksiyon sa maong dapit nakita nga ang zonal classification niini haom nga tukoran sa housing project o agrikultura.
Nasayran usab ni Garcia nga nabalhin na sa ngalan sa ECCCI ang titulo sa maong luna ug gusto niya nga ibalik ang pangalan niini sa kagamhanan sa siyudad aron magamit sa maayong katuyoan.
Human usab sa ilang pakisusi sa maong luna nasuta nga wala kini magamit hinungdan nga gipatun-an niya sa City Legal Office aron makaduso og recession order.
“According to the deed of donation and Civil Code, it states that if the purpose of the donation is no longer being used, then the property now can be reverted back to the original owner. Tan-aw nako, there really has to be a recession that has to take place or I don’t what you call that nga ibalik ang titulo sa City of Cebu kay wa naman magamit for its purpose”, dugang ni Garcia. BDB BANAT NEWS
- Latest
