Resolusyon sa pagka drug cleared sa duha ka barangay giaprubahan

CEBU, Philippines — Giaprubahan sa Hunta Probinsiyal ang mga resolusyon sa pagdayeg sa duha ka drug cleared nga barangay sa Lungsod sa Asturias ug Siyudad sa Danao.

Ang Barangay Looc Norte ug Barangay San Isidro sa Lungsod sa Asturias ug Barangay Cambanay sa Dakbayan sa Danao gideklarar nga mga drug cleared sa Region VII Oversight Committee on Barangay Drug Clearing Operation.

Ang deklarasyon subay kini sa Philippine Drug Enforcement Agency (PDEA) Memorandum Circular No. 2020 – 026 ug Dangerous Drugs Board (DDB) Regulation No. 4, serye sa 2021 nga nagpadayon sa pagpatuman sa Barangay Drug Clearing Program (BDCP).

Ang tulo ka barangay nakakompleto sa rekisitos nga nalatid sa PDEA Memorandum Circular No. 2020 – 06 o ang Omnibus Procedures sa Pagdeklarar sa Usa ka Drug-Affected Barangay nga “Drug-Cleared” ingon man sa DDB Regulation No. 4, serye sa 2021 nga nagpadayon sa pagpatuman sa BDCP. Ang Barangay Looc Norte kay ubos sa Drug Clearing Operation Resolution No. 0928, samtang ang Barangay San Isidro kay ubos sa Resolution No. 0929, ug ang Barangay Cambanay kay ubos sa Resolution No. 0942.

"The entire officialdom of the Cebu Provincial Government is grateful for the success of these endeavors and the unrelenting support of the local government units in the implementation of the Barangay Drug Clearing Program in cities and municipalities down to the barangay levels”, tipik sa resolusyon nga gipangamahanan ni Bokal Thadeo Jovito Ouano, chairman sa committee on Public Safety, Peace and Order; and Dangerous Drugs Prevention. — /IBM (BANAT NEWS)