Tulo ka suspetsadong durogista sikop sa buy-bust

CEBU, Philippines — Tulo ka suspetsadong durugista apil niini ang timentinar sa drug den ang nadakpan sa buy-bust operation sa Philippine Drug Enforcement Agency (PDEA) Cebu Provincial Office uban ang Cebu City Police Office Station diha sa CCF St. Francis, Barangay Buhisan, Dakbayan sa Sugbo sa niaging adlaw.

Ang nasikop  mao si Joseph Gonzaga, 49 anyos, walay trabaho, giingong tigmentinar sa drug den ug ang duha ka tigbisitahan sa drug den nga sila si Jc James Odto, 22, habal-habal driver ug tattoo artist ug Rhohxzl Ricaña, 30-anyos, habal-habal driver usab, parehong residente sa lugar.

Nasakmit sa mga polis atol sa operasyon gikan sa suspetsado ang lima ka putos nga shabu nga nitimbang ngadto sa 11 gramo ug nibalor sa P74,800, duha ka empty sachet nga dunay residue sa shabu, buy-bust money ug nagkalain-laing drug paraphernalia.

Ang kapolisan nakadawat og report kabahin sa ilegal nga kalihokan sa suspetsado.

Nasayran nga ang suspetsado maka-dispose og 10 ngadto sa 25 gramong shabu mata semana.

Kasong kalapasan sa Sections 5, 6, 7, 11, ug 12, Article II sa Akta Republika 9165 kun “Comprehensive Dangerous Drugs Act of 2002 ang ipasaka batok sa mga suspetsado.  BDB BANAT NEWS