Mga basura gi-proseso aron mahimong tambok nga yuta

CEBU, Philippines — Gipasiugdahan karon sa kagamhanan sa Lungsod sa Cordova ang pagproseso sa ilang mga basura nga mahimong yuta ug magamit sa ilang pagtanom. Kini ilang gihimo pinaagi sa pagpahimutang og mga eco-friendly equipments nga maoy mo-process sa biodegradable solid waste ngadto na sa paghimo niining yuta.

Ang lokal nga kagamhanan maoy nag-operate sa bio-composting facility alang sa pagprocess sa malata nga matang sa mga basura. Si Julieta Tampus, pangulo sa Municipal Environment and Natural Resurces (Menro) miingon ang maong matang sa ekipo maoy mo-proseso sa malata nga basura aron mahimong tabunok nga yuta nga makatabang sa pagtambok sa mga tanom.

Naglakip sa mga ekipo mao ang duha ka composters ug upat ka mga shredders nga gi-donate gikan sa Department of Agriculture DA- 7. Nagsugod ang operasyon sa paggamit sa maong kahimanan niadtong buwan sa Septiyembre diin ang ilang mga personnel gipaubos usab sa mga pag bansay-bansay. (BANAT NEWS)