Presyo sa kuryente nikunhod ngadto sa P2.36/kWh

CEBU, Philippines — Makasinati ang residential nga mga konsumidor sa Visayan Electric og P2.36/kWh nga pagkunhod sa ilang bayranan sa kuryente gikan sa buwan sa Oktubre ngadto sa Nobiyembre.

Ang maong pagkunhod nagdala sa kinatibuk-ang rate ngadto sa P11.16/kWh.

Base sa advisory sa Visayan Electric alang sa panimalay nga nagkonsumo og

200kWh makadaginot kini og hangtod sa P472 sa sunod nga bayronon.

Ang maong pagkunhod naggumikan kini sa pag-ubos sa presyo sa elektrisidad sa Wholesale Electricity Spot Market (WESM).

Niadtong buwan sa Hunyo niinig tuiga, ang ERC nagkinahanglan sa tanang distribution utilities sa pagpakaylap sa talagsaon nga taas nga WESM rates kini gumikan sa Red ug Yellow alerts  sa niaging ting-init nga nilungtad  hangtud sa buwan sa Septiyembre .

Bisan pa sa pagkunhod karong buwana sa singil sa kuryente ang presidente ug COO sa Visayan Electric Raul Lucero nipahimangno sa mga konsumidor nga magmatngon sa ilang konsumo sa enerhiya samtang nagsingabot ang kapaskohan.

“Our data shows that energy consumption increases in the last quarter of the year due to holiday celebrations and parties. My advice to our consumers is to consistently practice energy-saving measures. Even small efforts, like avoiding frequent opening of the refrigerator, can make a big difference”, matud ni Lucero.

Samtang nagkaduol ang holidays gipahinumdoman usab sa Visayan Electric ang mga konsumidor nga magmatngon sa pagamit sa kuryente ilabi na kon magbutang og mga suga ug dekorasyon sa pasko.

Girekomenda sa maong distribution utility ang pagpalit og mga suga gikan sa kasaligan, naestablisar nga brand ug ang pagpalong sa dekorasyon kon mobiya

sa balay. BDB BANAT NEWS