Mimo Osmeña first nominee sa PROMDI

CEBU, Philippines — Pormal nga gianunsiyo ni Mariano Antonio “Mimo” Osmeña siya ang first nominee sa Cebu-based nga political partylist nga ABAG Progressive Movement for the Devolution of Initiatives o naila sa kadaghanan nga PROMDI.

Si Mimo mao ang chairman sa PROMDI human nga nitaliwan na ang iyang amahan nga si Emilio “Lito” Osmeña, kanhi gobernadora sa Probinsiya sa Sugbo ug mao usab kini ang nagmugna sa maong partido niadtong tuig tuig 1997.

Nasayran nga niadtong tuig1998, ang partido una nga nakapadala og representante ngadto sa kongreso nga mao si Joy Augustus Go Young kinsa konsehal na karon sa Dakbayan sa Sugbo.

Ug sa piniliay niadtong tuig 2022 ang PROMDI maoy nipaluyo kang Manny Pacquiao sa iyang senatorial bid diin nahimo kining standard bearer sa partido sa 2022 presidential elections ug padayon kining gisuportahan alang sa sunod nga piniliay.

Gawas kang Mimo, ang naglangkub sa 10 ka nominee mao sila si Niño Vinluan Cinco, Danilo Roxas Cinco, Neil Labrador, Dr. Richard Alcantara, Jonathan Uy, Argy David Milan, Clariele Osmeña, Michael Matañosa ug Judy Mae Libra. Si kanhi bise gobernador sa Probinsiya sa Sugbo Fernando “Nanding” Celeste mao ang vice chairman sa partido ug matud niini nga dakong garbo kaniya ang pagduso sa PROMDI sa partylist election karong Mayo 2025. Karong Mayo 2025, moabot ngadto sa 187 ka kandidato sa Luzon ug Visayas ang nagpasilong ubos sa PROMDI.

Gani, upat ka munisipalidad sa Sugbo ang nagpaubos niini sama sa Aloguinsan, Catmon, Consolacion ug Pinamungajan.

Sa laing bahin, giangkon ni Mimo nga kong tugotan sa higayon andam siya nga molansar sa Probinsya sa Sugbo apan dili pa kini mahitabo dayon. (BANAT NEWS)