Magkapuyo nadakpan sa buybust  

CEBU, Philippines — Nadakpan sa mga operatiba sa Police Drug Enforcement Unit sa Bohol Police Provincial Office(BPPO) ang duha ka mga ilegalista atol sa ilang buy-bust operation sa Purok-3, Barangay San Isidro, Lungsod sa Dauis, Probinsya sa Sugbo.

Ang mga nasikop mao ang mag live-in partner nga sila si Nico Enrique Mascariñas, 51, residente sa Barangay San Isidro, Tagbilaran City ug Joanne Naquila Ababat, nagpuyo sa Barangay Abucayan Sur, Lungsod sa Calape.

Nasakmit gikan nila ang 185 grams gituohang shabu nga nagkantidad og P1.2 million.

Nasayran si Mascariñas nadangpan na niadtong 2012 tungod sa kalambigitan sa ilegal nga drugas ug paghupot og dili lisensyadong armas.  Pag 2017 nadakpan gihapon kini tungod sa illegal nga drugas.

Maka dispose matod pa ang suspetsado og 200 ngadto sa 250 gramos nga drugas kada semana ug ang 1st ug 2nd district sa Probinsya sa Bohol ang area of operation.

Sa pikas bahin, si Cebu City Mayor Raymond Alvin Garcia nidayeg sa kalamposan sa buy-bust operation sa Philippine Drug Enforcement Agency Regional Office-7, Regional Special Enforcement Team Mandaue City Office (RSET-MCO), ug sa PDEA-7 Intelligence Section-Intelligence Operation Unit (IS-IOU) nga niresulta sa pagkasikop sa 51-anyos nga ginang diha Barangay Carreta ning Dakbayan sa Sugbo.  Ang dinakpan taga Cogon-Pardo nga naila na si Maria Christine Abarquez nakuhaan og lima ka kilong gidudahang shabu. Sa dugang kasayuran nga gihatag sa PDEA-7 ang maong dinakpan gipahigayonan kini ug duha ka buwan nga case build-up ug nahibaw-an nga konektado kini sa operasyon sa Bohol niadtong Septiyembre 9, 2024.

Dugang pa ni Leia Alcantara, ang tigpamaba sa PDEA-7 ang source sa shabu sa dinakpan gikan sa NCR base sa ilang confidential informant.

Giawhag ni Garcia ang mga law enforcement units nga andam niya silang tabangan sa ilang kinahanglan.  --  IBM BANAT NEWS