NBI mosusi sa ‘POGO’ sa Moalboal
CEBU, Philippines — Nakig-alayon karon ang National Bureau of Investigation sa kapulisan sa Moalboal ug Bureau of Immigration may kalabutan sa 38 ka mga langyaw nga anaa sa kostudiya sa mga otoridad sa maong lungsod nga diha sa sud sa resort nga gidudahang nag-operate sab og Philippine Offshore Gaming Operation.
Matud pa ni Atty. Renan Augustos Oliva, director sa NBI-CEVRO ilang susihon kun ang tulo niini mao ang mga Indonesians kansang passports nakuha sa safety vaults sa gironda nilang POGO hub sa Brgy. Agus, Lapu-Lapu City niadtong katapusang bahin sa buwan sa Agusto.
Si Oliva, nipadayag nga dili pa siya makasulti kung POGO ang nadiskubrehan sa Moalboal apan kun basehan ang gidaghanon sa mga langyaw ug sa mga gamit nga nakuha sa resort, duna silay pagduda.
Susihon sa NBI kun konektado sab kini sa raid nila sa Lapu-Lapu ug ang gironda nga POGO hub sa Porac, Pampanga. Tungod kay ang sa Lapu-Lapu nga 169 ka Chinese nationals nga nadakpan gikan man sa Porac.
Kinahanglan nila og cyber warrant aron ablihan ang computers ug ang 200 ka cellphones gikan sa Anti-Cyber Crime Court sa Dakbayan sa Lapu-Lapu.
Nakig-alayon na usab ang NBI sa Anti-Money Laundering Council (AMLAC) alang sa pagpasaka og laing kaso.
Gipahibalo usab niya nga duna silay upat ka mga “insider witness” nga gihulagway makatabang sa ilang imbestigasyon.
Sa pikas bahin, si PRO-7 Director Police Brigadier General Anthony Aberin nagkanayon nga ang uban sa mga gikostudiyang mga langyaw mihatag og impormasyon nga sama og giangkon nilang nalambigit sila og online scheming.
"Some of the held Chinese nationals ang sinasabi nila is parang scheming and at the same time parang ina-admit nila na may ganung activity but on our part we cannot categorically say na mayroon nga kasi hindi pa naman natin nabubuksan yung mga computers...I have already ordered the CIDG to apply warrant to disclose computer data para yung pagbukas natin sa mga gadgets is of course maging legal and we ca use it as evidence against them in court," matud ni Aberin. – IBM BANAT NEWS
- Latest
