Rama nipadayag nga “kamatayon” ra ang makapugong kaniya

CEBU, Philippines — Si Cebu City Mayor Michael Rama kinsa gisilotan sa Ombudsman og dismissal ug perpetual disqualification nipadayag nga “kamatayon” lang ang makapugong kaniya sa pagdagan pagka-mayor sa 2025 midterm election.

Si Rama nga maoy National Vice President for the Visayas namulong atubangan sa mga nanambong sa ilang tigom diin matud niini nga ang convergence usa ka translation nga wala sila magpadala kong unsa ang nahitabo.

Niadtong Oktubre 3, 2024, si Rama kauban ang ilang slate sa Partido BARUG - Team Rama niduso sa ilang certificate of candidacy (COC).

Si Rama nagtinguha nga magpapili pag-usab sa 2025 midterm election.

Alang kang Rama nga bisan pa man og aduna siya’y choice nagpabilin siya sa PDP nga nagpamatuod pag-usab sa iyang tinguha sa pagka-mayor.

“And no man stop me from running for the mayor of the city of Cebu. Only death”,  ni Rama pa.

“Balikon nako. Kamatayon lang,” dugang ni Rama.

Matud ni Rama nga nakadaog na sila tungod kay aduna na sila’y gipili nga modagan aron moserbisyo alang sa kaayohan sa masa.

Ug ang mga tawo naghilak tungod sa kawad-on dili basta-basta mabaliwala uban sa kurapsyon nga mao nga nakapadasig sa pagdagan sa serbisyo.

“Tuga-tuga mo’g sulod sa panerbisyo? Nya wa moy Ginoo? Pahawa kay yawa”, ni Rama pa.

Si Rama nagkanayon kini nga kinahanglanon ang PDP Laban aron sa paghimo og kausaban.

Niadtong Mayo 9, 2024 dihang si Rama uban sa laing pito ka opisyales sa Cebu City gipahamtangan og unom ka buwan nga preventive suspension sa Office of the Ombudsman.  Kini naggumikan sa reklamo sa upat ka kawani sa Cebu City Hall nga wala mabayri sa ilang sweldo sulod sa napulo ka buwan.

Niadtong Oktubre 2, 2024 gihukman sa Office of the Ombudsman si Rama nga guilty sa nepotism ug grave misconduct ug gipahamtangan sa silot nga dismissal sa serbisyo. —  BDB BANAT NEWS