Mga makina paghimo og sigarilyo gironda

CEBU, Philippines — Bodega sa gidudahang mga makina paghimo og mga illegal Chinese brand nga sigarilyo gironda sa Criminal Investigation Detention Group (CIDG)  7 Mandaue City Field Unit ug Bureau of Internal Revenue (BIR RR13)  Cebu City diha sa Quano Warf sa Barangay Looc sa Siyudad sa Mandaue kagahapon sa buntag adlaw nga Sabado, Oktobre 5,2024.

Si Police Captain Nigel Z. Sanoy ang Chief CIDG 7 Mandaue City Field Unit maoy nangulo sa maong operaton uban sa Bureau of Internal Revenue RR13 sa Siyudad sa Sugbo subay sa nadawat nga reklamo.

Matud pa ni Sanoy nga ilang gibasihan ang mission order sa BIR kabahin National Internal Revenue Code 1997.

Dugang pa ni Sanoy nga mga napulo na ka buwan nilang gipangita kining maong ilegal nga namuhat og sigarilyo nga ang tatak sa mga brands gikan sa China, apan kanunay kining magbalhin-balhin og lokasyon.

“Ato ni gisundan nga trabaho it so happen nga dire ‘ta gitumbok nga warehouse. Kini as of now stock room ra ni nila ilang gibalhin diri pero dili jud ni ilang buhatan base sa atong nasundan” matud ni Sanoy

Narekober sulod sa maong bodega ang mga makina sa paggama og sigarilyo, ug nagkalain-laning brand sa kinarton nga sigarilyo nga gikan sa China sama sa Nanjing ug uban pa, mga raw materials ug uban pa.

Si Atty. Jay Rozen D. Bartazan Legal Division sa RR13 sa Siyudad sa Sugbo miingon nga nakadawat sila og impormasyon kabahin sa maong bodega sa sigarilyo nga wala magbayaran og buhis maong nilusad sila sa maong operasyon inabagan sa CIDG.

“We have received information that there were probable machines or taxable articles that stored in this facility to the leadership of our Regional Director Douglas Irofino.  He issued permission order authorizing us the members of the BIR to inspect this area fortunately with the assistance of CIDG we are able successfully entered this warehouse and yield positive results apparently these machines were used to manufacture cigarettes,” sigon ni Bartazan.

Matud niya, illegal ang paghimo og sigarilyo, wala say permit ug wala usab mobayad og buhis ngadto sa gobiyerno ang tagiya niini.

Sa pagkutlo ning maong balita kasamtangan nag padayon pa ang inbintaryo sa mga nakompiska nga mga makina og mga raw materials ug uban pa.