Tulo gi-salvage
CEBU, Philippines — Patay na nga napalgan ang tulo ka mga managhigalang lalaki diha sa kasagbutan sa Barangay Pajo, Lungsod sa Daanbantayan kagahapon sa buntag, Lunes, Septiyembre 30, 2024.
Ang mga biktima nga gituohang gipang-salvage ug giila nga mao sila si Leo Andrino Rodrigo, 37, taga Purok Manga 2, Barangay Pajo; Randolf Russel Circon, taga Barangay Dano; ug Calixto Mahayahay, taga Barangay Poblacion pulos sakop sa maong lungsod.
Sa impormasyon sa Daanbantayan Police Station alas-6 sa buntag nakadawat sila og tawag gikan sa concerned citizen labot sa nakaplagang mga patay'ng lawas.
Nagkanayon si Police Major John Bautista, hepe sa Daanbantayan Police Station ang usa sa nga biktima nga si Leo giingong drug personality ug naa kini sa ilang listahan.
Nakadawat sab sila og impormasyon nga ang usa sa mga biktima gikatahong bag-ohay lang nakadaog sa online gambling nga scatter, apan sutaonon pa kini sa kapulisan kun si kinsa sa mga biktima ug kun pila ang iyang gidag-an.
"Yun pa po ang pina find out natin," sigon ni Bautista.
Nasayran nga dunay mga samad ang mga biktima sa ilang mga nawong ug sa liog.
Ang kapulisan sa Lungsod sa Daanbantayan dunay nay tulo ka persons of interest saa maong krimen ug usa sa motibo nga ilang gisubay may kalambigitan ang pagpatay kanila sa ilegal nga drugas. (BANAT NEWS)
- Latest
