Signal No.3 sa duha ka lugar sa Batanes tungod sa bagyong Julian

CEBU, Philippines — Duha ka mga dapit sa amihanang Luzon ang gipaubos sa Signal No. 3 tungod sa bagyong Julian (international name: Krathon) nga padayong nag-irog sa Philippine Sea.

Alas - 4 sa hapon kagahapon, adlaw nga Domingo, Septiyembre 29,  ang PAGASA miingon nga ang bagyong Julian nasigpatan 235 kilometro silangang bahin sa Calayan, Cagayan.

Nag-irog kini pa amihanang-kasadpan sa gipaspason nga 15 kilometro kada oras ug nagdala kini og hangyong 120kph uban sa haguros nga 150 kph.

Ang mga lugar nga gipaubos sa Signal No. 3 mao ang Batanes sa amihanang-sidlakang bahin sa Babuyan Islands (Babuyan Is.), hangin nga manukad gikan 89 kph ug 117 kph  gipaabot masinati sud sa 18 ka oras. Gipasidan-an ang mga residente sa nahisgutang mga dapit nga makasinati og kusog nga hapos sa hangin.

Samtang gipaubos sa Signal No. 2 ang mainland Cagayan ug ubang mga lugar sa Babuyan Islands (Camiguin Is., Calayan Is., Dalupiri Is., Fuga Is.). Apayao northern ug tungatungang bahin sa Ilocos Norte (Pagudpud, Adams, Dumalneg, Bangui, Burgos, Pasuquin, Vintar, Carasi, Nueva Era, Solsona, Piddig, Dingras, Sarrat, San Nicolas, Laoag City, Bacarra).

Gibanabanang makasinati og kusog nga hangin ang maong dapit nga dunay gikusgon nga 62 kph ug 88 kph sud sa 24 oras.

Ubos sab sa Signal No. 1 ang Ilocos Norte, Ilocos Sur, La Union, Abra, Kalinga ,Ifugao ,Mountain Province , Benguet ,Isabela ,Nueva Vizcaya ,Quirino northern and central portions of Aurora (Dilasag, Casiguran, Dinalungan, Dipaculao).

Kining mga dapita makasinati og hanging  manukad 39 hangtud  61 kph sud sa 36 ka oras o panagsang paguwan. Hinuon dili kaayo dako ang epekto sa maong hangin sa ilang dapit.

Ang bagyong Julian gipaabot nga mokusog sa mosunod nga 24 oras ug posible pa kining mapormang super typhoon matud pa sa PAGASA. — /IBM (BANAT NEWS)