Dakbayan sa Sugbo padayon sa paggukod sa POGO

CEBU, Philippines — Kagamhanan sa Dakbayan sa Sugbo padayon sa pagukod batok sa Philippine Offshore Gaming Operators (POGO) o POGO like activities ubos sa mandato sa League of City Mayors.

Matud ni Acting Cebu City Mayor Raymond Alvin Garcia nga nakadawat siya og formal nga suwat gikan ni LCM nga gipirmahan ni Acting President Mayor Joy Belmonte nga nagpahibalo sa listahan sa kompaniya nga imbestigahan kalabot sa POGO ug POGO like activities diin subay usab kini sa direktiba sa Department of Interior and Local Government (DILG).

Gibutyag ni Garcia nga adunay task force nga gimugna ang kagamhanan sa siyudad nga naglangkub sa kapolisan, BPLO human sa pagpahibalo ni Presidente Ferdinand “Bongbong” Marcos sa pagpahunong niini.

Si Garcia nagkanayon nga ang task force nakakita nga adunay ubang nagsira na ug gihulipan og laing klase sa mga patigayon.

Gawas sa kagamhanan, ang Cebu City Council nanginlabot na usab human sa resolution nga giduso ni Konsehal Rey Gealon sa pag-imbestigar sa POGO-like activities ilabi na kadtong customer assistance operations ug uban pa. (BANAT NEWS)