Cortes ug Bercede tandem sa 2025
CEBU, Philippines — Sa ikatulo ug kataposan nilang termino sa 2025 election sila pa gihapon si Mayor Jonas Cortes ug Bise Mayor Glenn Bercede ang mag-tandem isip mayor ug bise mayor.
Si Cortes kinsa kasamtangang ubos sa usa katuig nga suspension nagkanayon nga modagan siya alang mayoral sa 2025 midterm elections uban ni acting Mayor Glenn Bercede isip iyang bise mayor.
Matud ni Cortes nga ang ilang Team Mandaue ang nakakompleto alang sa ilang mga konsehal nga gilangkuban sa mga incumbent nga magpasubli usab sa 2025 midterm election.
Gibutyag ni Cortes nga naglakip niini si kanhi bise mayor Carlo Fortuna kinsa mokandidato isip konsehal sa siyudad.
Samtang si Konsehal Malcolm Sanchez nga anaa na sa iyang kataposang termino maoy modagan sa pagka-board member nga mopares kang Board Member Glenn Socco nga magpasubli usab sa umaabot nga 2025 midterm election.
Gibutyag kini Cortes atol sa “Storya Ta! A Move to Good Governance and Transparency” forum uban sa mga tigbalita niadtong Huwebes, Septiyembre 19, 2024 diin siya nahimong special guest niini. (BANAT NEWS)
- Latest
