Dress code sa Basilica Minore del Santo Niño dunay exemption
CEBU, Philippines — Subling mipahinumdum ang kaparian sa Basilica Minore del Sto. Niño sa dress code o haum nga besti sa mga mosulod sa simbahan nga ipatuman na sugod sa Oktubre 1, 2024.
Higpit nga gidili ang pagsol-ob og mga flesh revealing outfit sama sa sleeveless, shorts ug mubo nga sayal.
Apan adunay exemption sa above the knee nga sayal alang sa mga uniporme sa mga estudyante ug mga trabahante nga tugotan ra nga makasulod, sumala pa ni Fr. Jules Van Almerez, Media Liason sa Basilica Minore Del Sto. Ninño.
Dugang pa ni Almerez, higpit na usab did-an ang mga tapis bisan kadtong mga langyaw nga turista nga mosulod sa Basilica.
Gitug-an ni Fr. Almerez nga karong semanaha ipahimutang nila diha sa simbahan ang mga hulagway sa mga angay ug dili angay nga sul-obon samtang mobisita sa simbahan. Sa mga lalaki long pants ug t-shirt with collar, tugotan ra usab ang magtsinilas.
Magpadala usab ang kadagkuan sa simbahan og pahibalo ngadto sa mga tour group aron masayod ang ilang mga bisita sa mga mahimo nga sul-obon sulod sa simbahan.
- Latest
