Mandaue City giawhag nga pun-on ang ilang plantilla position
CEBU, Philippines — Giawhag sa Commission on Audit (COA) ang lokal nga kagamhanan sa siyudad sa Mandaue nga pun-on na sa mga kawani ang mga plantilla position nga namatikdan nga taudtaud na nga nabakante.
Matud pa sa COA nga ang lokal nga kagamhanan sa maong dakbayan adunay 772 ka mga bakanteng posisyon hangtud niining mga panahona.
Ang city adminstrator nga si Atty Jamaal James Calipayan miingon nga niadto pang tuig 2019 sila nga nagpangita og mga aplikante alang sa mga bakanteng plantilla apan wala silay nakita nga mi-qualify sa maong position. Dugang pa niya nga sa 772 ka mga bakanteng plantilla, 256 lamang niini ang adunay gahin nga salapi alang sa suholan.
Suma ni Calipayan nga sa pagkakaron ilang gihinayhinayan sa pagbutang og pundong salapi ang maong mga bakanteng plantilla position aron sa higayon nga dunay madawat mahikay dayon ang ilang sweldo. (BANAT NEWS)
- Latest
