National Building Code dili angayan ibaliwa–OBO

CEBU, Philippines — Nipahinumdum ang Office of the Building Official OBO sa mga developers ug contractors nga dili ibaliwala ang National Building Code and local ordinances ug hunahunaon ang kaluwasan sa tanan gawas sa ilang kaugalingon nga negosyo.

Kini gihimo sa OBO human masuta nga dunay pipila ka mga construction projects nga nakahimo og kalapasan.

“We ask them to just adhere to our laws and not take these for granted simply because they can afford the penalties,” suma pa ni OBO chief Architect Florante Catalan.

Dugang pa niya nga ang mga provisions gitumong aron malikayan ang mga aksidente ug maprotihian ang kinabuhi ingon man ang mga kabtangan.

Gawas sa National Building Code, ang mga contractors ug developers kinahanglan usab motuman sa mga local policies sama sa Cebu City Ordinance 1481.

Gihimug-atan usab ni Assistant building official Emmanuel Cuizon nga ang OBO sagad mopahamtang og silot sa mga contractors ug developers gumikan sa nagkalain-laing kalapasan.

Lakip na ang dili pagtuman sa pagbutang og setbacks, easements ug bisan sa road right-of-ways.

“Basically, respect ra gyud diay ni ang (pag-comply sa) National Building Code kung atong buot hunahunaon…. “Mao na (ang tuyo og tumong) kaning atong building ug occupancy permits, ang buot pasabot ani mananghid ta una ta motukod kung mouyon ta atong mga silingan o’ ang tanan nga motukod ta aning type of structure” suma pa ni Cuizon dihang nahinabi sa Sugboanon channel. Ang OBO mo-isyu usab og work stoppage ug closure orders ngadto sa developers kun ang ilang mga proyekto makahatag og peligro sa kinabuhi, sa lugar ug sa propedad.

Sa higayon nga makatuman na ang mga contractor o developer sa mga gikinahanglan permit o ba kaha usbon o tumanon nga safety measures una pa malibkas ang giisyu nga work stoppage. (BANAT NEWS)