State of public health emergency gisugyot tungod sa dengue

CEBU, Philippines — Misugyot si Cebu City Health Officer Dra. Daisy Villa ngadto kang Cebu City Acting Mayor Raymond Alvin Garcia nga ipaubos ang syudad sa state of public health emergency tungod sa padayon nga nagtaas nga kaso sa dengue.

Gikumpirma nga anaa na sa 597 ka kaso dengue ug walo niini ang namatay base sa talaan sukad pa niadtong Enero 2024 hangtud na sa Septiyembre 6, 2024.

Kun itandi ang mga kaso niini niadtong miaging tuig, anaa lang sa 27 ang natala niadtong tuig 2023. Suma pa ni Villa nga ang pagdeklarar og state of public health emergency magsilbi kining ilang awhag sa mga Sugbuanon nga mag-amping  ug mohangop sa mga preventive measures batok sa dengue.  “I have seen a steady rise in the number of cases. So now I am contemplating… it might be a public health emergency,” ni Garcia pa.

Matud pa ni Garcia nga kada semana siya nga nangayo og report kang Villa aron ma-monitor ang sitwasyon. Kasamtangang nagpahigayon og misting ug insecticide spraying sa mga barangay aron makunhod ang kaso sa dengue sa syudad. —Rowena Capistrano/IBM BANAT NEWS