Mayor`s Cup gisugdan na sa siyudad sa Talisay
CEBU, Philippines — Gisugdan na ang mga kalihukan sa paugnat sa kusog sa Dakbayan sa Talisay niadtong Sabado.
Ang Talisay matag tuig mopahigayon sa Mayor’s Cup isip tipik sa mga kalihukan sa nagsingabot nga kapistahan sa ilang patron nga si Sta. Teresa de Avila karong buwan sa Oktubre.
Ang 22 ka barangay sa Talisay nisalmot niini diin niabot sa 78 ka teams sa basketball ug 40 ka teams ang narehistro sa volleyball.
Lakip sa mga duwa mao ang boxing, chess, tennis, push bike, sepak takraw, cycling ug uban pa.
Si Talisay City mayor Gerald Anthony “Samsam” Gullas maoy nangulo sa pagbukas sa kalihukan.
Gipahibawo sa mayor nga gidugang nila ang 12 under sa katergorya sa basketball tungod kay mas maayo ang kabataan tagaan og pagtagad kay sila man ang morepresentar unya sa Talisay sa pagpakita sa ilang talento.
Matud pa ni Gullas nga pinaagi sa kalihukan madiskubrehan sila sa ilang talento nga posible nga aduna pay kahigayonan nga makuha sa mga tunghaan ug makapahimulos sa scholarship. (BANAT NEWS)
- Latest
