CFBJ mopahigayon og fun run sa Sept.15
CEBU, Philippines — Usa ka Fun Run ang ipahigayon sa mga sakop sa media sa Sugbo karong umaabot Septiyembre 15,2024.
Adunay duha ka categories ang maong fun run -men and women category kon diin makapili ang partisipante og 3K (kilometers), 5K ug 10K ang distansya sa dagan samtang sa media category anaa sa 3K lang ang distansya sa dagan.
Ang registration fee sa 3K moabot sa P550; ang 5K anaa sa P700 samtang ang 10K moabot sa P800. Sa media category P300 ang rate sa registration.
Ang maong fun run magsugod alas 5 sa buntag sa Robinsons Galleria. Adunay premyo sa top 3 nga finishers sa matag category.
Ang maong fun run usa ka fundraising event sa Cebu Federation of Beat Journalist (CFBJ), ang kita niini magamit sa organisasyon sa paghatag og tabang pinansyal sa mga membro niini.
"Proceeds of the run will go a long way as it will be used as CFBJ's emergency fund to assist our members. We can't give figures as to how many participants will be joining as this is our first time to organize this but since this is a fund-raising activity, the more, the better," matud ni Calvin Cordova ang tresurero sa CFBJ.
Si Arnold Bustamante ang presidente sa maong organisasyon nagkanayon dako ang matabang sa maong kalihokan sa mga sakop sa media. "Kami sa CFBJ kanunay gyud mi mangita'g paagi aron makatabang sa among mga membro kay nasayod ko dili tanan sakop sa media sa Sugbo dako'g sweldo. Kining fun run, first time kini namo mag-organize ing-ani apan dili kini ang unang higayon nga mipahigayon mi'g kalihokan alang sa among membro," matud ni Bustamante.
Ang funrun subay sa selebrasyon sa Press Freedom Week sa bulan sa Septiyembre.
Ang CFBJ nakapahigayon na og dili momenus duha ka fundraising event pinaagi sa Shoot-For-A-Cause sa niaging mga tuig diin ang pundo napahimuslan gyud sa mga membro niini panahon kun adunay emergency ug medikal nga panginahanglan.
Ang CFBJ usa ka organisasyon sa mga sakop sa media nga adunay dili momenus usa ka gatus ka membro sa lehitimong media companies sa Sugbo. (BANAT NEWS)
- Latest
