Mga espesyalista sa Russia, Cebu motutok sa sakit nga kanser
CEBU, Philippines — Duha ka kasabotan o memorandum of understanding (MOU) ang gipirmahan sa medical professionals sa St. Petersburg ug sa Sugbo.
Usa sa MOU gipirmahan ni Dr. Vladimir Mikhailovich Moiseyenko, direktor sa Napalkov Cancer Center; ug VSMMC chief Dr. Gerardo Aquino Jr. kon diin nisaksi si Gobernador Gwendolyn Garcia ug Department of Health region 7 director Dr. Jaime Bernadas.
Ang maong kasabotan alang sa “joint international efforts in the field of oncology” o cancer study ug treatment.
Gipahigayon kini sa auditorium sa VSMMC atol sa “Cebu Health Summit” nga gilangkoban sa mga medical experts gikan sa Sugbo ug sa Saint Petersburg region.
Ang maong MOU mosakop sa pag-umol og long-term, epektibo ug mapahimuslan nga kooperasyon alang sa pagbinayloay og kaalam, scientific information, ug practical skills lakip na paghimo og aksyon.
Samtang usa ka "pledge of allegiance and commitment” ang naporma pud alang sa "Sugbo-SP-Russo Health Alliance.”
Ang maong alyansa nagtinguha aron mag organisar og "bilateral connection" sa "scientific, educational, ug innovation activities" pag-abot sa medisina.
Tanang medikal nga propesyonal nga misalmot sa Cebu Health Summit otomatiko nanumpa isip founding members sa maong alyansa.
Si second district Board Member Dr. Stanley Caminero maoy nahimong interim chairman samtang ang vice chairpersons mao sila si Dr. Vladimir Mikhailovich Moiseyenko (director sa Napalkov Cancer Center) ug Dr. Ellie May Villegas, usa ka oncologist gikan Chong Hua Hospital. (BANAT NEWS)
- Latest
