Unom gidakop tungod sa ilegal swertres
CEBU, Philippines — Unom ka tawo ang nadakpan sa kapolisan sa Dakbayan sa Talisay atol sa ilang paghingusog sa kampanya batok sa ilegal nga swertres.
Unang nadakpan mao sila si Marly Remata, 58 anyos ug si Meraluna Javier, 58 anyos didto sa sitio San Rafael, Barangay Tanke sa nahisgutang Syudad.
Wa magdugay gisignit sa otoridad sila si Nestor Alo Ravena, 58 anyos ug si Rosemarie Jane Labajo, 29 anyos didto sa sitio Sawsawan, Barangay San Roque.
Lain sad nga grupo sa operatiba ang nisikop nila ni Neil John Abella, 29 anyos didto Tabunok Public Market ug si Rudy Exhavez, 76 anyos didto sa Purok Saging, Barangay Lawaan 3 sa maong Dakbayan.
Sila si Police Lt. Col. Epream Paguyod, hepe sa kapolisan nipahingusog sa ilang kampanya batok sa ilegal nga sugal. Usa na dinhi ang mga tawo nga padayon nga nalambigit sa ilegal swertres. Gipasakaan sila og kaso sa Republic Act 9287 o ilegal swertres. — IBM BANAT NEWS
- Latest
